Solar nga Suga Iapud-apud sa Dapit nga Walay Kuryente

Ang Department of Education (DepEd) og ang the Stiftung Solarenergie Foundation (StS) mohatag og mga “solar libraries” sa mga eskuylahan sa kahilitang mga dapit sa nasud, pinaagi sa Light for Education Program (StS L4EP).

Kini kalabot sa iyang misyon nga mao ang pagsabwag sa kahibalo ug angay nga kahigayonan sa edukasyon sa tibuok nasud.

Gipasabot ni Kalihim Armin Luistro sa Edukasyon ang kamahinungdanon sa paghatag og maayong kalikopan sa edukasyon alang sa mga magtutudlo alang sa de kalidad nga edukasyon sa nasud.

Ang StS L4EP gitumong alang sa pagpauswag sa edukasyon sa nasud, nga makaayo sa mga estudyante ug mga magtutudlo ilabi na sa mga lugar nga kulang pa sa sugang dagitabnon.

Pinaagi niining maong programa, ang mga estudyante ug mga magtutudlo makahimo na sa pagtuon ug pagbasa pinaagi sa suga nga mugna sa solar alang sa ilang maayong kondisyon sa kahibalo.

Sa pagkakaron may 10 na ka tulunghaan gikan sa 4 ka lalawigan nga naglakip sa Rizal, Panay, SocSarden, ug Palawan ang makapahimus niining StS L4EP.

Kining maong mga eskuylahan nakadawat og “solar library” nga may 20 ngadto sa 500 ka suga nga solar,agad lamang sa gidaghanon sa mga estudyante o kaha sa mga magtutudlo sa matag solar charging station.

Pinaagi sa solar charging station, makatrabaho pag-ayo ang mga magtutudlo pinaagi sa pagtudlo nga epiktibo ngadto sa mga estudyante.

Sumala ni Chairman Jim Ayala sa Foundation for Rural Electrification for Economic Development nga ang “light for education” nakabatang kaayo og dako sa mga dapit nga wala pay suga diin duha ang tumong niini nga mao kadtong panimalay sa mga estudyante nga walay suga, ug ang eskuylahan mismo nga ilang hatagan sa mga solar nga bombelya nga libre, matud niya.

Midugang si Ayala pagpasabot nga daghan na sila og na-survey nga mga lugar ug ilang nasuta nga ang mga bata nadasig pag-ayo sa ilang pagtuon pinaagi sa mga solar lighjts nga ilang gihatag. Misyon sa StS’s ang pakiggubat sa kakabus ug pagpasuga sa kahilitang mga dapit nga walay suga pinaagi sa paghatag og mga solar lights kanila, matud pa ni Ayala.

Image Credit: newsbytes.ph