Sari-Sari Store Gibantayan ‘sab sa BIR

Human bantayi ang mga doktor ug abogado, gisunod karon sa Bureau of Internal Revenue (BIR) ang pagpaniid ug pagbantay sa pamuhis sa mga nanag-iya og sari-sari store, operator sa tricycle ug mga flower shops.

Kini may labot mas gihingosgan nga kampanya sa BIR batok sa tax evasion ug tax leaks.

Sa gipagawas nga bag-ong revenue memorandum circular, kinahanglang magpa-rehistro sa BIR ang mga nahisgotang negosyante ug angay na usab sila mag-issue og BIR-registered receipts ug sales invoice.

Gipasabot sa BIR nga ang pipila sa Marginal Income Earners (MIEs) kinsa nagduso lamang og mas gamay nga kita ug dagkong utang aron masiguro nga igo ang kapital sa ilang gamay nga negosyo.

Apan aduna pa gihapoy MIEs nga nagbayad og hustong buhis nga nakalatid sa balaod. Gipasabot sa BIR nga gusto nilang matuman sa tanang mga Filipino ang katungdanan sa pagbuhis ngadto sa kagamhanan.

Busa wala nay gipili ang BIR karon ma-gagmay o ma-dagko man nga negosyo, sama sa mga kawani nga may gagmay ug dagko nga suhol, ang tanan gipareho ra sa pagpabayad og buhis sa kagamhanan.

Image Credit: breadplusbutter.blogspot.com