‘Sagip Bata’ Gimando ng Palapdan

Aron mapugngan ang child pornography sa nasud, gimanduan na ni Labor Secretary Rosalinda Baldoz ang tanang Labor regional director nga palapdan pa ang Sagip Batang Manggagawa Quick Action Teams(SBMQAT).

Kini gitukod sa nagkalain-laing rehiyon niadto pang 1993 aron mag-imbestigar ug mohimo og rescue operation sa mga menor de edad nga sayo nga gipa-trabaho sa mga pabrika, gi-ulipon, o di kaha gitukmod sa prostitusyon.

Gawas sa mga traditional nga mga paagi, nakatampo usab dinhi ang bag-ong teknolohiya sama sa online live show ug cyber pornography.

Tungod niini, katambayayong sa DOLE ang National Bureau of Investigation (NBI), Philippine National Police (PNP), Department of Social Welfare Development (DSWD) ug uban pang ahensya sa gobyerno aron masumpo ang maong krimen.

Gitataw ni Baldoz nga ang gobyerno anaa aron pagsiguro nga ang mga kabataan luwas gikan sa tanang matang sa pag-abusar, pagpasagad, pahimulos nga mapanamastamason ug diskriminasyon.

Image Credit: www.philstar.com