Punoan sa Acacia Natumba, 2 Samaran

Dakong punoan sa kahoy’ng Acacia nga mitubo daplin sa national highway sa Barangay Tubod, San Fernando, naload ug natumba Myerkules sa hapon og aksidenteng natumbahan ang usa ka trak de karga nga miagi sa tungod niini.

Ang drayber sa bus ug ang iyang truck boy nga didto maglingkod sa front seat, nakaangkon og mga samad dihang naigo sa dakong sanga ang samin sa sakyanan.

Adunay uban nga mga lumolupyo sa maong dapit ang mibasol sa mga opisyal, ilabi na sa kadagkoan sa Department of
Environment and Natural Resources (DENR) nga masuko kun pamutlon ang mga kahoy apan napakyas pagsiguro nga luwas pa ang mao nga mga punoan.

Ang pagkabali sa dako’ng punoan sa Acacia nakamugna og problema sa trapiko kay ang mga sakyanan wala na makaagi pa sa karsada.

Human sa bagyong Yolanda, ubay-ubay nga mga kahoy’ng Acacia dinhi sa dakbayan, apil ang mitubo atubangan sa Cebu
City Hall, ang nangatumba.

Nasuta nga ang kahoy’ng Acacia kun dagko na peligroso na kaayo kay ang tunga nga bahin sa iyang punoan makaangkon na og daku kaayo nga lungag, ug patay na ang labi’ng dako nga gamot nga motidlom unta sa ilawom aron maoy maghatag og kalig-on.

Photo by Rolan Canaya