Provincial Security Chief Mosumiter ug Indefinite Leave

Si Loy Anthony Madrigal, ang hepe sa security sa kapitolyo, nagkanayon nga sa labing sayong panahon iyang isumiter ang iyang application sa buhatan ni gobernador Jun jun Davide.

Wala na masayod si Madrigal kinsa ang ihulip kaniya sa kasamtangan, samtang siya magpahimos una sa pagbakasyon.

Sumala pa niya, nga depende na kini sa gobernador kinsa ang ihulip kaniya sa iyang biyaan nga katungdanan sulod sa mubong panahon.

Dugang ni Madrigal nga iyang tagaan ug gamay nga diskanso ang iyang kaugalingon gikan sa kahapo sa iyang panerbisyo isip pangulo sa anti-iligal fishing task force sa probinsya sa Sugbo.

Asoy ni Madrigal nga wala na siyay panahon alang sa iyang kaugalingon ug wala na gani siya’y higayon sa pag relax.

Samtang iya usab nga andamon ang kasong libel nga iyang isang-at batok ni Mayor Ricky Ramirez sa lungsod sa Medillen.

Matud pa sa chief security nga iyang pasakaan ug kasong libelo si Ramirez tungod sa pagtumo-tumo niini pag patik sa iyang larawan kauban sa iyang sekretarya sa buhatan.

Image Credit: cebudailynews.inquirer.net