Probinsya Misanong sa Tahas sa Malakanyang

Ang nasudnong kagamhanan mitahas sa Probinsiya sa Sugbo alang sa pagpatuman sa tulo ka mga dagkong proyekto sa lalawigan, hain
gisangon usab ni Gobernador Junjun Davide ngadto sa buhatan sa Liga ng Barangay ang maong gimbuhaton.

Nunot niini, si Provincial Board member Celestino Mertinez III, kansang presidente sa ABC Federation sa probinsya sa Sugbo, nagsugod na sa pagbuhat niini.

Si board member Martinez mimando ngadto sa iyang mga staff pagkuha sa mga datus gikan sa mga barangay nga wala pa malukop sa programa sa electrification, water system og livelihood program.

Unang gi-survey sa buhatan ni Martinez mao ang 1st,2nd, 3rd ,4th og 5th district.

Suma pa, gi-una ni Martinez ang mga distrito nga dili kaayo paspas ang paglambo. Ang sixto distrito, nga gilangkuban sa dakbayan sa Mandaue og Consolacion og Cordova, posibli nga maulahi sanglit malambuon man kini.

Lakip sa gipa-uwahi mao ang nag-inusarang distrito sa dakbayan sa Lapu-lapu.