‘Pre-emptive Evacuation,’ Gipatuman sa Dakbayan ug Probinysa sa Sugbo

Kusganong gipatuman sa mga kagamhanan sa Dakbayan og Probinsya sa Sugbo ang Pre-emptive Evacuation alang sa mga residente nga nanimuyu daplin sa dagat ug daplin sa Sapa.

Gisugdan kaganihang buntag sa mga matag baranggay ang pagpahibalo sa mga residente, hilabina kadtong anaa daplin sa kadagatan ug kasapaan, nga dili na magpa-aabot pa unyang gabii ug mubalhin na samtang sayo pa ngadto sa mga Barangay gym, Barangay complex nga gihimong karon isip evacuation centers.

Ang mga residente nga nanimuyu daplin sa mahiga creek, habig sa brgy. Mabolo, nagsugod na sa pagbakwit ngadto sa mga evacuation center nga anaa nahimutang sa Mabolo Elementary school.

Ang mga lumulupyo usab sa Brgy. Suba, Pasil, nibalhin na kaganihang hapon sa Sawang Calero gym.

Ang mga residente usab sa Brgy Ermita, mihinay-hinay na sa pagbalhin ngadto sa City Central School nga kasamtangan gihimung evacuation center.

Gibutyag ni Cebu City Mayor Mike Rama, nga mintras sayo pa dapat nang mobalhin ang mga residente sa luwas nga lugar ug dili na magpaabot pa nga mogamit ang kagamhanan sa iyang “Police power” arun pug-sun ang mga lumulupyo sa pagbalhin.