PNoy Naningkamot Pagsumpo sa Smuggling

Gihimo na sa administrasyong Aquino ang mga lakang aron masumpo ang ‘smuggling’ ug patubagon sa balaod ang mga smuggler, matud pa ni Kalihim Herminio “Sonny” Coloma, Jr. sa Presidential Communications Operations Office (PCOO).

Gani, niadtong 2010, nakapasang-at na ang gobyerno og 157 ka kaso ubos sa “Run After Tax Evaders and Smugglers” program o usa ka kaso matag semana, matud pa ni Coloma sa usa  ka press briefing kagahapon sa
Malakanyang.

“Agi’g pagsunod sa mando ni Presidente Benigno ‘Noynoy’ Aquino III, ang Bureau of Customs (BOC) sa pagpanguna ni Komisyoner John Philip Sevilla, nihimo na og mga lakang alang sa sihag ug bukas nga pagbatok sa smuggling ug makuhaan ang kahigayonan aron makahimo og anomaliya ug pagpamintaha,” matud pa ni Coloma.

Giingong ang tukmang reporma, sama sa:

*Centralized single reference for valuation information

*Digitization of every single formal transaction

*Pagbantay sa mga bodega sa BOC

*Pag-usab sa akreditasyon sa mga tig-angkat

*Ug hingpit nga pagbantay sa mga sensitibong mga gi-angkat nga butang

Gisiguro ni Presidente Aquino sa publiko nga padayon ang iyang administrasyon sa pagpaningkamot nga mapaayo ang serbisyo sa Bureau of Custom(BOC) pinaagi sa hingpit nga pagsumpo sa pagpayuhot.

Gipaningkamotan usab sa BOC ang maayong koleksiyon aron masumpo ang pagpayuhot ug ang pagpatuman sa mga lakang nga nahiuyon sa maayong sumbanan sa tibuok kalibotan.