Piniriso

binuhat nga naghulagway’g kapait,
kangiob, kalaay, kauwaw, ug kangitngit,

prisohan maoy iyang lumloman,
sangpotanan kinis hiwi nga binuhatan,

samtang halwa timailhan sa prisohan,
may pinirisong daw gawasnong makapatuyang,

kantidad para suborno iyang saligan,
lahi kini sa kabus nga sagad maoy suki sa prisohan,

samtang mga adunahan idlas pas halwan,
balaod sayon-sayonon kuno, dali’ng malutsan,

may binuhat nga dili mahimutang,
sagol kabalaka ug kabalisa mahiagoman,

kanunayng magpangita ug kahatagan,
sa kainit niyang tinan-ogan, may magsalig sa kidhat,

may pangyamyam maoy ipakiat,
kay diay, magpaabot, mamasin makahimo’g liwat,

siya usa ka buhi’ng ehemplo,
sa gugma, siya nahimong piniriso…

Blogsite