Pilipinas, 2nd Fastest Growing Economy – Bloomberg Survey

(PIA) — Padayong gi-ila sa tibuok kalibotan ang kalig-on sa ekonomiya sa Pilipinas.

Kini base sa survey sa Bloomberg niini lang Pebrero diin ikaduha ang Pilipinas sa mga nasud nga may pinakapaspas nga paglambo sa ekonomiya nga nakatala og 6.3 porsyento.

Nagsunod sa Pilipinas ang mga nasud sa Kenya, India ug Indonesia samtang nanguna ang China sa maong survey.

Apil sa mga rason sa lig-ong ekonomiya sa nasud nga gitumbok sa survey ang ubos nga presyo sa mga produktong petrolyo, taas nga remittances gikan sa mga overseas Filipino workers (OFWs) ug ang kahanas sa Ingles sa mga Pilipino.

Kalabot niini, giingong dili layong maapsan pa sa Pilipinas ang China sa mga mosunod nga panahon human sa growth forecast sa ekonomiya sa nasud nga posibleng mosaka sa 8 porsyento. (mbcn/ecb/PIA7-Bohol)