Panginahanglan sa BHW Gi-aksyunan sa Kapitolyo

Mga Barangay Health Workers (BHW) President sa lalawigan sa Sugbo mipahigayon sa ilang binuwan nga meeting sa Cebu Provincial Capitol sa miaging adlawa. Ang maong tigom tuyong gipatawag ni Provincial Nurse Vivian Larang aron pag tuki sa mga panginahanglan sa matag Brgy. Health Workers lukop lalawigan sa sugbo.

Si Dikdik Velez, presidente sa BHW association sa lungsod sa Tabogon, nga nahinabi ss MetroCebuNews, nagkanayon nga usa sa mga butang nga ilang gihisgutan mao ang mga incintives alang sa mga BWH members nga nag panuigon na ug 70 anyos pataas.

Iyang gipasabot nga mandatory na gyod nga paretayron ang mga tiguwang na nga mga BHW ug aduna kini madawat nga 10 mil pesos. Gipasabot ni Velez nga ang maong kantidad kuhaon lang kini sa pundo sa asosasyon sa mga health workers sa probinsya sa Sugbo.

Apan iyang giingon nga dili masagubang ang maong kantidad gumikan sa kaminus lang sa ilang pundo ug daghan ang mga tiguwang nga angay nang moretiro sa iyang pagka membro isip health worker.

Suma ni Velez nga sa lungsod sa Tabogon, 17 na ka mga BHW ang nag pangidaron ug 70 kapin ug angay nang pahungon sa serbisyo.