Pagpatukod sa Kapin Dos Mil nga mga Classssroom, Gipadali

●Kasamtangan gipanday ang 2,313 ka mga classrooms, apil na ang pagpaayo sa 35 ka SUC’s nga nangaguba sa bagyong Yolanda

Gimandoan sa Malacañang ang Department of Education (DepEd) ug ang Commission on Higher Education (CHED) nga paspasan ang pagpatukod sa 2,313 ka elementarya ug sekondaryang lawak-tunghaan, apil na usab ang pagpaayo sa 35 ka state universities ug colleges nga nangaguba tungod sa bagyong Yolanda.

Matud pa ni Presidential Spokeperson Edwin Lacierda, kahibalo sila sa kakulang sa mga lawak-tunghaan ug ang mahimo lamang nila mao ang pagpadali sa pagpatukod sa mga pasilidad nga nahisubay sa balaod.

Mihangyo si Lacierda og pagsabot sa mga estudyante nga pahimuslan una ang mga lawak-tunghaan nga dili pa kaayo lig-on ug disaster-resilient.

Gipasabot sa tigpamaba sa Palasyo nga nalangan ang pagpatukod og mga lawak-tunghaan bisan may pundo na kini tungod kay dugay ang proseso sa bidding ug pagpangita og mga lugar nga luwas o wala sa danger zone.

“We will do as fast as we can expedite it to the full extent that the law permits,” matud pa ni Lacierda. “In the meantime, the students will be studying in structures which are not yet resilient, but we hope for their understanding,” dugang pa ni Lacierda.