Pagpangdawat og Aplikasyon sa CSC Exam Karong Okt. 18, Nagsugod Na

(PIA-7) — Ang Civil Service Commission (CSC) nagpahibalo sugod niadtong Lunes, Mayo 25, nga misugod na sila ug panawat og aplikasyon alang sa CSC Career Service Officer Exam.

Matud pa ni Liezl del Rosario, Information Officer sa CSC nga gitakda sa Oktubre 18, 2015 ang maong CSC Exam.

Sa Setyembre 3 ang katapusang adlaw o deadline sa pagpangdawat og aplikasyon sa buhatan sa CSC alang niining pasulit.

Ang application forms makuha sa CSC Bohol Field Office nga nahimutang sa Circumferencial Road, ning syudad.

Mahimo ra usab kining ma-download sa CSC website nga www.csc.gov.ph.

Samtang gipahibalo usab sa tigpamaba sa CSC nga nagpadayon pa karon ang ilang pagpangdawat og aplikasyon alang sa Fire Officer Examination nga gitakda sa Agosto 16.

Ang aplikante alang niining pasulit kinahanglang nagpangedaron og 21-35 anyos ug adunay bachelor’s degree.

Sa Hunyo 17 na ang katapusang adlaw o deadline sa pagpangdawat nila og aplikasyon alang sa Fire Officer Exam.

Alang sa dugang detalye, mahimong motawag sa CSC Bohol Field Office sa telephone number (038) 501-7046. (mbcn/ecb/PIA7-Bohol)