PAGASA: Sementadong Karsada Makasamot sa Kainit

Gitumbok sa mga tinugyanan sa panahon nga ang nakapasamot sa kainit sa panahon karon mao ang mga sementadong lugar.

Sumala pa sa hepe sa Philippine Atmospheric Geophysical and Astronomical Services Administration (PAGASA) – Mactan Oscar Tabada, nga ang kainit sa adlaw mosumbalik kun moigo kini sa mga sementadong lugar sanglit dili kini makatuhop sa yuta.

Gumikan niini dako kaayo kini og epekto sa kahimtang sa lawas sa tawo, sumala pa ni Tabada.

Iyang gitumbok nga sa panahon sa kagabhion masinati usab ang tumang kaalimuot sanglit minus kaayo ang huros sa hangin ning panahon sa ting-init.

Gipasabot hinuon sa hepe nga ang makatabang sa pagminus karon sa kainit sa panahon mao ang mga kahoy kansang mga dahon maoy mohatag og landong sa panahon nga adlawan ug mipabugnaw usab sa panahon sa kagabhion.

Subling gipahimangnuan ni Tabada ang publiko nga dili magpasulabi sa pagbuwad sa init sa adlaw gikan sa alas 10:00 sa buntag hangtud sa alas 3:00 sa hapon kay makadaut kini sa panglawas.

Gipasabot niya nga kadtong mga may alta presyon labing magmabinantayon niining kainit karon nga hilabihan.

Image Credit: windspiritkeeper.blogspot.com