Oktobre 6 Gideklarar Isip ‘Regular Holiday’

Gi-deklarar sa Malacañang nga usa ka Regular Holiday ang Oktubre 6, 2014 (Lunes) tungod sa pagsaulog sa Eid al-Adha.

Mibutyag si Elvira C. Bongosa sa Philippine Information Agency (PIA) nga gipirmahan na ni Presidente Benigno “Noynoy” Aquino III ang Presidential Proclamation 875 nga nagdeklarar isip national holiday ang maong petsa kay mao kini pagsaulog sa gitawag nga Piyesta sa Sakripisyo.

Nagkanayon si Bongosa nga ang Eid al-Adha, maoy pagtimaan sa nasud sa sakripisyo ni Abraham sa iyang paghalad sa iyang anak nga si Isaac ngadto sa Diyos.

Midugang si Bongosa nga usa usab ka timaan ang Eid al-Adha sa pagsugod sa Hajj o pilgrimage sa balaan nga syudad sa Mecca sa Saudi Arabia.

Base sa lagda bahin sa panuweldo nga gibalaod sa Department of Labor and Employment (DOLE), makadawat og 200% sa ilang sweldo ang mga kawaning mo-trabaho sa maong holiday.