Mga Kandidato Giawhag nga Moabag sa Pagpanglimpyo

Giawhag ni Mayor Michael Rama ang mga midaug ug napilde nga kandidato sa eleksyon sa barangay kagahapong adlawa nga moabag sila pagpanangtang sa mga election campaign materials nga ilang gipangbutang sa lainlaing dapit.

Tigumon ni Mayor Rama ang mga department head sa City Hall aron makapahigayon dayon sila og pagpanangtang sa mga propaganda materials nga nagkatag lang sa lainlaing dapit.

Si Rama nga mibotar sa iyang presinto didto sa Guadalupe Elementary School kaganinang kagahapong sa udto og nakabantay nga minus ang mga tawo nga miadto sa tunghaan kon itandi niya sa eleksyon niadtong Mayo.

Nagtoo hinoon si Rama nga basin og ang pagpaminus sa mga botante sa matag presinto ngadto na lang sa 400 maoy nakaingon nga paspas ang pagbotar og dili kaayo magpunsisok ang mga tawo.

Sa eleksyon niadtong Mayo, matag presento adunay mga 1,000 ka botante ang usa ka clustered precints. Ang duha, tulo ug duna pa gani upat ka gagmay’ng presento kaniadto giusa lang sa usa ka presento.

Kini tungod kay paspas man moihap ang Precinct Count Optical machine (PCOS), apan sanglit mano-mano man ang pag-ihap sa mga botos sa barangay election maoy rason nga giibanan ang mga botante sa usa ka presento.

May mga botante hinoon nga natagbaw pagpangita sa ilang mga ngalan didto sa clustered precinct nga gibotahan nila sa eleksyon kaniadtong Mayo apan nasulbad ra pinaagi sa gibutang nga Voters Assistance Booth sa entrada sa tunghaan.