Mega Cebu Gitambongan sa mga Lokal Opisyal ug Negosyante sa Sugbo

Ang Mega Cebu gibuksan mga alas 2 pasado kagahapon sa hapon sa Provincial Capitol Social Hall.

Si Mayor Mike Rama sa Cebu City mitambong atul sa opening, diha usab si Mayor Adie Sitoy sa lungsod sa Cordova samtang sa ngan sa provincia mitambong si Atty. Mark Tolentino kansang provincial administrator.

Ang habig sa mga negosyante, gipangulohan ni Dominica Chua sa Ramon Aboitiz Foundation (RAFI). Ang Mega Cebu gimugna alang sa pag pakigkambigit sa kalambuan sa lalawigan sa sugbo apil ang mga component cities municipalities ug ang Cebu City.

Gihisgutan ni Mayor Mike Rama atul sa iyang paghatag ug mensahe ang iyang mga plano alang sa Cebu City. Suma pa niya nga himoon niyang ‘new cebu’ ang dakbayan sa sugbo.

Si Chua mihulagway usab kalabot sa mga suliran sa mga metro polis area sama sa Cebu City ug Mandaue City.

Suma pa ni Chua nga kanunay nga masinate ang kahuot sa trapiko sa mga nahisgutang syudad og makatagamtam sa pag lunop panahon sa ting uwan.

Iyang giingon nga dili lamang gimbuhaton sa mga government opisyal ang pagsulbad niini kon dili responsabilidad usab kini sa matag usa.

Suma pa ni Chua nga ang kinaiya sa tawo usa usab nga hinungdan sa mga suliran nga atong nasinate. Ang problema sa trapiko masulbad kini kon mosunod lang sa lagda sa balaod ang mga tsuper, samtang ang pag clog up sa tubig sa kanal malikayan kini kon ang matag usa dili mag patuyang ug labay sa mga basura.

Puno pa ni Chua nga mabuhat lamang kini kon ang tawo magbaton ug disiplina sa kaugalingon.

Samtang si Mayor Rama miingon nga mahapsay ug mag malambuon ang usa ka lalawigan syudad ug kalungsuran kon magbaton ug gugma ang usag usa ug mahadlokon sa pag pakasala.