Mas Maayong Relocation Gipasalig Sa Mga Mamaligyaay Sa Carbon

Gipasalig sa Cebu2WorldDevelopment, Inc. nga mas mamahimong maayo ug hamugaway ang relokasyon nga pagahimoon alang sa mga stall vendors sa Carbon Public Market.

Ang Cebu2WorldDevelopment, subsidiary sa Megawide maoy natahasan sa Carbon Market Modernization Project diin mukabat kinig milyones ang kantidad.

Matod pa sa Cebu2WorldDevelopment, nga ang bag-ong merkado sa Unit II sa Carbon taoran ug kasaligan ug igong supply sa kuryente ingon man tubig. Lakip sa mga features niini ang “around-the-clock” security camera ug “fully-functional” ug limpyo nga mga kasilyas.

Ang edipisyo alang sa interim market maoy nagsilbi nga temporaryong lugar kun diin pwede mamaligya ang mga vendors samtang nagpdayon pa ang konstruksyon sa main public market.

Kahinumduman nga muabot sa 80 ka mga market vendors ang apektado sa gihimong clearing operations sa nasambit nga lugar niadtong July 18, 2022.

Sa laing bahin, gipasalig hinuon sa Cebu2World Development nga ilang tabangan ang pag promote sa mga produkto sa mga nanindahay.

Matod ni Wynne Cenas, ang Cebu City Market Administrator nga ang tanang umento sa mga “rate” muagi kini ug proseso sa konseho sa dakbayan sa Sugbo ayha kini i-implementar.