Malacaňang Mipasalig: Walay Brown Out Karong Ting-init

Mipasalig ang Malacaňang sa publiko nga gihimo na sa gobyerno ang tanang lakang aron masiguro ang padayong supply sa kuryente sa mga bulan sa ting-init diin daku ang panginahanglan sa kuryente.

Gibutyag ni Elvira C. Bongosa tigpamaba sa Philippine Information Agency(PIA)7 nga ang maong pasalig gihimo ni Kalihim Herminio “Sonny” Coloma, Jr. sa Presidential Communications Operations Office (PCOO), kinsa milaum sa gipahayag ni Kalihim Carlos Jericho Petilla nga andam ang gobyerno nga paandaron ang Malaya thermal plant hangtud 70 ka adlaw.

“Ginagawa na ng pamahalaan ang lahat upang matiyak na patuloy na may koryente sa darating na mga tag-araw. Sabi ni Kalihim Petilla, nakahanda ang pamahalaan na paandarin ang Malaya Thernal Plant hanggang 70 araw ngayong tag-araw kung kailan malaki ang panga-ngailangan sa koryente, lalo nasa Luzon,” matud pa ni Coloma sa usa ka pulong-balitaan sa Malakanyang miadtong Huwebes, miaging semana.

Matud pa ni Bongosa, nga miingon si Coloma nga gitambagan na sa Department of Energy (DOE) ang mga planta sa kuryente nga tarungon og maayo ang mga pasilidad nila aron mo-andar kini sa mga bulan nga daku ang panginahanglan sa kurryente.

Midugang si Bongosa nga gipaabot nga modaku ang gamit sa kuryente sa mga bulan sa ting-init diin paandaron sa mga panimalay ug mga establisyemento ang mga pawala sa init sama sa mga air-conditioners ug mga electric fan.