Malacañang: Buhis Angay Bayra’g Tinarong sa Kawani

Nanawagan ang Malacañang sa tanang mga kawani ug mga hugpong sa propesyonal nga maghiusa sa pagbayad og hustong buhis.

Kini aron makapundo pag-ayo ang kagamhanan og dagkung bulto sa salapi nga ikatabang usab sa pagpalambo sa panginabuhi sa katawhan.

Sumala ni Kalihim Herminio “Sonny” Coloma, Jr. sa Presidential Communications Operations Office (PCOO) nga gipaningkamotan pag-ayo sa Bureau of Internal Revenue (BIR) nga makab-ot ang 16 hangtud 18 porsiyento nga gidak-on sa umento sa makobra nga buhis niini gikan sa mga trabahante sa tuig 2016.

“Ang mga buwis ang dugong pambuhay ng economiya. Pag-alinsunod sa pakay ng Philippine Domestic Program, pinagbubuti ng BIR ang kampanya upang mapaabot sa 16 to 18 porsiyento ang tax-to-GDP ratio pagdating ng 2016. Hanggang noong 2013, ang tax-to-GDP ratio ng bansa ay umabot sa 136 porsiyento, subali’t ito ay mababa sa 17 porsiyentong natala bago nagkaroon ng krisis pinansiyal sa Asya,” sumala ni Coloma.

Midugang si Coloma nga sa pagpaningkamot nga makab-ot ang target, gibarugan sa gobyerno nga angay lamang hingusgan pa ang pagpaningil og buhis aron makaabag sa Pilipinas batok sa kusog nga paglambo sa ekonomiya sa ubang mga nasud sa ASEAN.

Base sa taho sa World Bank, ang pagpaningkamot sa Thailand, Malaysia ug Singapore sa pagkolekta og buhis nakapabilin kanila sa pagkolekta og 17.6 porsiyento; 16.1 porsiyento ug 13.8 porsiyento gikan sa tanan nilang magbubuhis.