Lumod Napalgang Patay

Nahibulong kaayo ang katawhan sa Barangay Mactan, dakbayan sa Lapu-Lapu ngano nga midagsa sa baybayon sa ilang dapit ang usa ka patay nga lumod kon dolphin.

Ang dolphin gihulagway nga usa ka buotan kaayo nga mananap sa dagat nga mahimo gani nga katudloan kun unsa’y ilang himoon sama sa mga dolphin nga gipapultahan gani didto sa Subic ug sa ubang mga dapit sa kalibotan.

Ang patay’ng dolphin nga midagsa didto sa kabatoan nga bahin daplin sa dagat sa Sitio Angasil, Barangay Mactan adunay bun-og sa iyang dapit sa ulo, apan walay mga samad sa iyang lawas diha nga nakit-an kini kaniadtong Martes sa hapon.

Ang mga sakop sa Task Force Kalikasan sa dakbayan sa Lapu-Lapu mibana-bana nga ang dolphin nga adunay gitas-on nga kapin sa duha ka metros namatay tulo ka adlaw na sukad siya makit-i.

Nabaniog nga sa habagatan nga lungsod sa Oslob adunay daghang mga dolphin nga gihugopan na gani sa daghang mga turista ilabi na nga tanod kon anad kaayo ang mao nga higante’ng isda.

Si Mayor Paz Radaza mimando dayon sa mga sakop sa Task Force Kalikasan paghimo’g pakisusi kun aduna ba’y mga dolphin nga anaa sa kadagatan sa Lapu-Lapu aron ila kini’ng kaprotehean.

Image Credit: Lapu-Lapu City PIA