LTO 7: Mga Bus Higpit nga Bantayan sa Holy Week

Higpit nga magmonitor ang Land Transportation Franchising and Regulatory Board (LTFRB) – 7 ug Land Transportation Office (LTO) – 7 sa mga sakyanang pampasaheroan ilabi na sa mga bus sa lalawigan sa Sugbo ug sa ubang probinsiya sa Central Visayas unya sa kasaulogan sa semana santa.

Gibutyag ni LTFRB-7 Regional Director Ahmed Cuizon nga sa ilang pang-inspection sa mga terminal,unahon nila pagsuta ang mga dokumento sa mga sakyanan ilabi na sa prankisa ug sa special permit.

Susihon usab nila ang ‘road worthiness’ sa mga bus ug siguraduon nga mosakat ang preno niini.

Hilngon usab nila ang mga suga aron dili na masubli ang aksidente didto sa barangay Guadalupe syudad sa Carcar sa miaging semana nga mikalas og siyam ka tawo ug 20 kapin ang angol.

Si Cuizon nagkanayon usab nga ang ilang buhatan uban ang LTO-7 mosuta usab sa mga colorum nga bus ug public utility jeepney(PUJ) nga nagdagan nga walay prankisa o special permit alang sa biyahe niini gawas sa ilang rota.

Samtang si LTO-7 Regional Director Arnel Tancinco miingon nga gihugtan usab nila ang pagmonitor niadtong mga bus nga overloading.

Iyang gitataw nga daan na nilang gipahimangnoan ang mga bus operators nga dili magpalabi og karga og aron dili sila dakpon sa mga otoridad.

Giaghat usab ang mga bus operators nga mopahimangno sa ilang mga drayber nga dili angay mopasakay og mga pasahero sa gawas sa bus.

Did-an usab niini ang pagpapatong og pasahero sa atop sa sakyanan aron dili sila sikopon sa mga traffic enforcer nga magbantay sa
trapiko.