Libreng TDC Nagpadayon, 18K na ang Natabangan

Dul-an duha ka tuig human nga gi-implementar sa Land Transportation Office (LTO)-7 ang libreng Theoretical Driving Course (TDC), anaa na sa kapin 18,000 nga scholar ang natabangan niini.

Taliwa sa COVID-19 pandemic ug bagyong Odette nga nahitabo niadtong Disyember 16, 2021, daghan gihapon gustong mu avail sa maong programa.

Matod ni LTO-7 Regional Director Victor Emmanuel Caindec nga as of August 27, 2022, may 18,573 total scholarship ang gi release sa maong buhatan, dul-an usab duha ka tuig sukad nagsugod kini niadtong Oktubre 2020.

“We are proud to say that as of year-to-date, we have released a total of 13,127 scholarships to the different parts of Central Visayas. This is in partnership with the different local government units,” matod ni Caindec.

Sumala pa ni Caindec nga nakatabang ang “Malasakit on Wheels” sa pagkab-ot niining kalampusan. Ang Malasakit on Wheels nagsilbi nga E-Patrol Mobile diin ginadala ang libreng TDC sa Barangay Level.

“Just in Cebu City, we have conducted 25 different training sessions in the different barangays where we started in the mountain villages.”

Base usab sa Driver’s Education Center sa LTO-7, nakahatag kini ug 5,342 TDC scholarships niadtong tuig 2021 ug 104 lamang niadtong 2020.

“When we saw the opportunity to partner with LGUs specifically with the Barangays, we have received overwhelming requests from the different village chiefs because they also want to educate their drivers in terms of road safety and making sure that they have proper licenses and registrations,” dugang pa ni Caindec.

Nasayran usab nga gawas sa Cebu City, ang maong programa pinaagi sa Malasakit on Wheels miabot usab sa lungsod sa San Remigio, Tabogon, Sogod, Borbon, Tabuelan, Boljoon, Oslob, Alcoy, Dalaguete, Samboan, Compostela, Tudela, Santander, Pinamungajan, Minglanilla, Naga City, Talisay City, ug Sta. Fe sa Bantayan Island sa lalawigan sa Sugbo.

Sa Bohol, nakahatag sab ug scholarship ang LTO-7 sa dakbayan sa Tagbilaran ug mga lungsod sa Panglao, Dauis, Garcia Hernandez, Corella, Lila, Dimiao, Cortes, ug Carlos P. Garcia.

Sa kasamtangan, aduna say nadawat nga request ang LTO-7 gikan sa nagkadaiyang mga lungsod sa Lalawigan sa Negros Oriental.

Sa pagkakaron, aduna nay 26 ka barangay, 37 ka LGU, lakip na ang mga syudad ug lungsod ang naka avail na sa 15-hour TDC.