Katakus sa VAWC, Evidence Preservation Protection Order, Gipaambit Alang sa Tanod, Lupon

Ang mga kawani sa Provincial Legal Office inubanan sa Regional Crime Laboratory Office (RCLO) R7 ug Phil. Alternative DisputeResolution Inc. (PADRI) kasamtangang nagpahigayon og Lecture/Seminar/Workshop alang sa mga Brgy. Officials nga gilangkuban sa Tanod ug Lupon Tagapamayapa members, karong adlawa, Pebrero 28, 2017.

Ang maong kalihukan mituki sa nagka daiyang hisgotanan kabahin sa balaod, pamaagi sa paglatid og mga ordinansa ug resolusyon. Lakip usab sa gihisgutan mao ang mga lab-as nga pamaagi sa paghusay sa mga suliran sa lumolupyo nga gipadangat sa lupon.

Mag hisgot usab kini ug balaod kabahin sa Violence Against Women and Children (VAWC), Brgy. Protection Order, Law on Arrest, Law on Search and Seizure, Crime Scene Protection and Evidence Preservation alang sa mga Brgy. Tanod.

Kining programa sa Cebu Province nga gipanguluhan sa Provincial Legal Office (PLO) nagsugod niadtong March 21, 2015, sa tumong nga kahatagan og igong katakus ug kahanas ang tanang opisyales sa lungsod ug syudad sa tibuok probinsya sa Sugbo. (Candice S. Acuña, Carcar City Information Office)

SOURCE: www.cebu.gov.ph