Kapin 800 Small Business Owners Sa Negros Oriental Nakadawat Ug Hinabang

Daghang mga negosyo ang naapektohan sa pandemiya ilabi na niini ang mga gagmayng negosyante sa nasud.

Sa Canlaon ug Dauin, Negros Oriental kapin 800 ka mga small business owners sama sa mga nanag-iya ug sari-sari stores, karenderia, ug uban pa ang nakadawat ug pinansiyal nga ayuda gikan sa Department of Social Welfare and Development (DSWD) pina-agi sa inisyatiba ni Senator Christopher Lawrence “Bong” Go.

Ang maong pinansiyal na ayuda gihatag pina-agi sa Sustainable Livelihood Program – Livelihood Assistance Grant (SLP-LAG) sa DSWD.

Malipayon nga midawat sa ayuda ang mga benepisyaryo sanglit makatabang kinig dako sa pagpadayon sa ilang mga negosyo ug mamahimo sab kining puhonan sa gustong magsugod ug bag-ong negosyo kun panginabuhian.

Sama ni Dioscoro usa ka person with disability (PWD) ug usa pud ka tricycle driver nagpasalamat sa nadawat nga ayuda ug gamiton niya kini sa pagsugod ug animal buy and sell business.

Ang Department of Trade and Industry (DTI) ug Technical Education and Skills Development Authority (TESDA) nagpadala sab ug representante alang usab sa paghimo ug assessment alang sa programang Pangkabuhayan sa Pagbangon at Ginhawa (PPG) ug libreng scholarship training.

Ang kwalipikadong mga benipisyaryo mamahimo pang makadawat ug laing matang sa ayuda sa umaabot nga mga panahon.