Jail Warden Mihimakak nga Nalambigit sa Gidiling Drugas

Provincial jail warden sa Cebu Provincial Detention and Rehabilitation Center (CPDRC) ug ang consultant on police matters sa probinsya, mihimakak sa pasangil nga duna silay kalambigitan sa pag payuhot sa mga ginadiling drugas sa CPDRC.

Si Jail Warden Romeo Manansala ug Marco Toral parehong minigar sa aligasyon gikan sa usa nga wala mag-paila ug miangkon nga jail guard nga ang duha ka opisyales nga gihisgutan maoy punoan sa pagpalusot sa mga ginadiling drugas sa CPDRC.

Ang duruha miingon nga andam silang mo paubos sa drug test aron pag limpyo sa ilang dungog.

Andam usab ang duha pag atubang sa imbistigasyon nga ipahigayon unya sa buhatan sa gobernador.

Dugang ni Toral ug Manansala nga wala sila’y angay nga ikabalaka kay polos lang butang-butang ang gibutyag sa nag pa-ilang jail guard nga sila maoy utok sa pag payuhot sa shabu sa CPDRC.