Hangin, Magsugod Na’g Kabugnaw Tungod sa Amihan – PAGASA

Gi-anunsiyo karon sa Philippine Atmospheric, Geophysical and Astronomical Services Administration (PAGASA) nga nagpasulod na sa Pilipinas ang panahon sa amihan o gitawag usab isip northeast monsoon sa sunod semana.

Matud pa ni PAGASA forecaster Gener Quitlong, kini ang panahon nga makasinati ang nasod og kabugnaw sa hangin.

Giingong gikan sa kasagarang 25-35 degrees celsius, mo-ubos ang temperatura ngadto sa 18-22 degrees celsius.

Bisan gipaabot kini tungod sa kainit nga nasinati karong panahona, magdala usab kini og mga kabag-ohan sa pagsulod sa mga bagyo.

Kasagaran sa mga dili maayong panahon nga mosulod sa Philippine area of responsibility (PAR) gikan sa Pacific Ocean tig-landfall tungod sa pagtulod sa hanging amihan.

Gibanabanang lima hangtud walo ka bagyo pa ang posibleng mosulod sa PAR sa dili pa matapos ang tuig 2016. (ecb/PIA7-Bohol)