Filipino sa Ukraine Gibantayan sa Kagamhanan

Hugot nga gibantayan karon sa gobyerno ang mga Filipino nga tua sa nasud sa Ukraine aron masiguro nga anaa sila sa luwas nga kahimtang niining krisis nga politikanhon nga ilang nasinatian karon.

Matud pa ni Deputy presidential spokesperson Abigail Valte, nga padayon nga nagbantay ang Department of Foreign Affairs (DFA) sa kahimtang sa mga Pinoy worker sa Ukraine.

Sa pagkakaron, wala pa’y nadawat nga taho ang Malacañang kun wala bay mga Pinoy nga naangol o naapektohan sa gubat sa Ukraine.

Ang political crisis sa Ukraine nagsugod niadtong Nobyembre 2013 tungod na usab sa kasuko sa katawhan sa nahimong desisyon ni Ukraine President Viktor Yanukovych nga ‘i-scuttle’ ang usa ka European Union-oriented trade deal.

Ang maong krisis misangpot sa paglusad og madugoong kagubot sa Russia batok Ukraine.

Gumikan niini ang kagamhanan sa Pilipinas naningkamot usab nga masiguro ang kaluwasan sa mga Filipino sa Ukraine.