El Niño Wala pay Kadaot sa Central Visayas

(PIA-7) — Si Joel Elumba ang Department of Agriculture (DA-7) Technical Director miingon sa programang Kapihan sa PIA Cebu nga wala pa’y dalang kadaot ang mild El Niño sa atong agricultural sector sa pagkakaron.

Matod niya nga ang mga mag-uuma dinhi sa rehiyon nakat-on na sa ilang kasinatian dala sa El Niño niadtong tuig 2010 kung diin nagtala ang pinakadakong kadaot sa El Niño sa rehiyon.

Tungod niini, nakahibalo na sila sa ilang angay’ng buhaton aron malikay ang ilang pananom ug panghayopan sa kadaot.

Apan di gihapon angayng mokumpyansa ang mga mag-uuma kay matop pa sa PAG-ASA; mahimong molungtad pa hangtod sa last quarter sa tuig ang El Niño nga posibleng makaapekto sa second cropping sa mga mag-uuma.

Sa pagkakaron, padayo’ng gimonitor sa DA ang kahimtang sa produksyon tungod niining maong phenomenon. Ug base sa ilang natala, eighty to ninety percent na sa mga mag-uuma ang nakapangani sa ilang pananom ug karon naa nalang sila sa sila sa ilang finishing touches.

Ang DA padayo’ng nag awhag sa mga mag-uuma sa paghatag ug insaktong feedbacks aron matabangan sila kung gani ma’ng adunay dalang kadaot ang El Niño sa ilang uma. (mbcn/fcc/PIA7-Cebu)