DTI Miawhag Pilion ang Tinuod nga Christmas Decor

Gipaabot nga magsugod na sa pagpamalit ang katawhan og mga gamit para sa dekorasyon karong nagsingabot na ang Pasko, busa ang Department of Trade and Industry (DTI), mipagawas na og giya sa mga pumapalit sa angay pamaliton nga mga dekorasyon panahon sa pasko.

Matud pa ni DTI Director Peter Mangabat, nga may listahan na ang DTI sa hustong mga brand sa DTI-certified Christmas lights nga maoy tamdan sa mga pumapalit.

Ang maong mga brand gisuwatan gyud og import commodity clearance (ICC) o ICC sticker sa karton o putos niini, sumala ni Mangabat.

Midugang si Mangabat nga kining marka nga ICC maoy pagpamatuod nga pasado ang maong produkto sa mga pagsuway nga gihimo sa Philippine National Standards (PNS).

Apan nagkanayon si Mangabat nga nga may mga mini usab nga mga markang ICC sticker diha sa mga karton o putos sa mga Christmas decors busa bantayan gayud kini pag-ayo sa mga pumapalit.

Gipasabot pag-ayo ni Mangabat nga ang genuine o tiunod nga ICC mark mao kadtong gimarka sa “foil-like hologram stickers nga gisilyohan og ICC, may serial number ug year of certification.

Miingon si Mangabat nga diha sa putos tin-aw usab nga mabasa ang kompletong ngalan ug address sa importer o distributor ingon man sa nasud diin gamaa ang produkto.

Mipasidaan si Mangabat nga dili angay magpatuyang og pamalit og mga Christmas decors nga mini kay mao kini mosunog sa inyong balay kun dili kamo makabantay ilabi na kun imo kining buntagan pagpasiga uban sa sinumpaysumpay nga nga kuryente niini.