DSWD Miawhag sa Publiko: Batokan ang Pornograpiya

Gi-aghat sa Department of Social Welfare and Development (DSWD) ang publiko nga makighiusa sa kagamhanan sa pagbatok sa pornography ug child abuse.

Mihangyo ang DSWD nga i-report dayon ang mga porn sites sa National Telecommunications Commission (NTC) aron ma-block kini sa internet service providers.

Matud pa sa DSWD, nga angay usab nga aktibo ang mga ginikanan sa pagbantay sa ilang mga anak aron dili sila maka-access sa maong mga sites.

Giingong mokabat sa 3,600 ka child porn sites ang nadiskobre sa DSWD ug sa uban pang hingtungdang ahensya sa tibuok nasud.

Mangayo usab og tabang ang DSWD sa internet watch foundation aron sa pagsumpo sa child pornography.