DSWD Miawhag sa LGU Pagsalmot sa Gawad Listahan

Ang Department of Social Welfare and Development (DSWD) Field Office VII miawhag sa mga local government unit (LGU) sa pagsalmot sa 1st Gawad Listahan o Data Utilization Awards.

Gipasabot ni DSWD7 Regional Director Mercedita Jabagat nga kining 1st Gawad Listahan usa ka special award nga nag-ila sa serbisyo sa LGU pinaagi sa pagtabang pagpanglista sa mga kabus nga pamilya nga naglangkob sa National Household Targeting System for Poverty Reduction (NHTS-PR).

Miingon si Jabagat nga pinaagi sa Gawad Listahan, ilhon sa DSWD ang paningkamot sa mga LGUs sa paghatag og kaayohan ug proteksyon sa mga kabus aron sila mouswag sa ilang pagpanginabuhi ug pagpuyo.

Midugang si Jabagat pag-ingon nga kinahanglang ang mga LGU may active Memorandum of Agreement (MOA) tali sa DSWD , ug kinahanglan usab nga may mga programa sila bahin sa proteksyon sa mga kabus sama sa scholarships, medical assistance ug skills o livelihood training.

Gawas niini, matud pa ni Jabagat nga kinahanglang 100% compliant ang LGU sa tinuig nga reportorial requirement bahin sa serbisyo nila sa mga kabus pinaagi sa resolusyon o ordinansa nga aprobado sa Sangguniang Bayan o Panglungsod, dugang pa ni Jabagat.

Nagkanayon usab ang hepe sa DSWD7 nga angay mosalmot ang 132 ka LGU sa Central Visayas sa , maong gimbuhaton pinaagi sa pagpadala sa ilang aplikasyon ngadto sa buhatan sa DSWD7.

Kining application form ma-download ra pinaagi sa regional website sa DSWD7 nga mao ang www.fo7.dswd.gov.ph o mahimong makuha kini gikan sa Social Marketing Unit.

Nagkanayon si Jabagat nga ang LGU nga mosalmot mopili lang og usa ka locally-funded program isip official entry sa kompetisyon.

Miingon si Jabagat nga ang pagpanawat sa application form matapos sa Oktubre 24, 2014 ug ang awarding ceremony unya na sa anibersaryo sa DSWD sa Enero 2015.