DOLE Miawhag sa mga Employer Pagbayad og Hustong Holiday Pay

Gipahinumdom sa Department of Labor and Employment (DOLE) sa tanang employers sa tibuok nasud sa pagsunod gayud sa pagbayad sa gipatumang holiday pay sa mga kawani niini.

Kining pahayag gihimo ni Labor Sec. Rosalinda Dimapilis-Baldoz human gi-deklarar ni Presidente Benigno ‘Noynoy’ Aquino III nga walay trabaho ang Abril 9 o Adlaw sa Kabayanihan kun Araw ng Kagitingan.

Gipasabot sa kalihim nga base sa Proclamation No. 655 nga gipagawas ni Presidente Benigno ‘Noynoy’ Aquino III niadtong Setyembre 25, 2013, gawas sa Abril 9, holiday usab ang Abril 17 ug Abril 18, 2014.

“If the employee did not work, he/she shall be paid 100% of his/her salary for that day. For work done during the regular holiday, the employee shall be paid 200% of his/her salary for that day for the first eight hours,” matud pa sa kalihim.

Samtang ang adlaw nga Sabado de Gloria (Black Saturday), Abril 19, usa ka special non-working holiday, diin ipatuman ang “no work, no pay” principle apan makadawat og 30% nga suholan ang matag kawani nga moreport sa trabaho.

Image Credit: www.philstar.com