DOH Miawhag: Sakit sa Ting-init, Likayan

Gipasidaan sa Department of Health (DOH) ngadto sa publiko ang mga sakit nga mahimong makuha sa panahon sa ting-init.

Matud pa sa DOH, nga kasagaran mokatap karon ang sip-on ug ubo tungod sa pagbag-o bag-o sa panahon.

Gipahinumdom sa DOH sa katawhan ilabi na sa gagmay nga mga bata nga angay magpabakuna batok sa flu aron dili dayon taptan og sakit.

Bantayan usab ang mga kontaminadong pagkaon nga makamugna og sakit sa tiyan ug pagsuka-suka.

Gawas niini, midugang ang DOH nga likayan usab ang pagpatuyang og kaon sa mga subra nga pagkaon gikan sa picnic o kumbira kay dali kini mapan-os ug peligro nga makamugna og sakit sa lawas.

Gitambagan sa DOH ang publiko nga mag-amping gayud ilabi na ang mga namaligya og pagkaon aron masiguro nga hinlo ug luwas ang mga pagkaong gibaligya.