DepEd Nalipay sa Tabang sa Aboitiz Foundation

Gidayeg ni Kalihim Armin Luistro sa Edukasyon ang pagtukod sa dugang 42 ka mga lawak sa mga estudyante sa kindergarten nga gitunol sa Aklat, Gabay, Aruga Tungo sa Pag-angat at Pag-asa (AGAPP) Foundation pinaagi sa Aboitiz Foundation.

“This is a story of sharing: that the more we give, the more efforts will bear fruit into something beautiful,” matud pa ni Luistro,

Si Luistro mipa-ambit sa estorya nga nagkanayon: kung mohatag kita og daghan, makadawat usab kita og daghan nga mamunga og maayo.

Samtang hingpit na nga gipatuman ang Universal Kindergarten Act sugod niadtong Enero 2012, and DepEd miila sa panag-uban sa publiko ug pribadong pamatigayon nga mahinungdanon kaayo sa pagtubag sa suliran sa kakuwang sa mga lawak-klasehanan tungod kay mouswag man ang mga motungha nga mga estgudyante sa kindergarten.

Ang AGAPP Foundation mirespondi niini ug mitabang sa DepEd sa pagpatukod og mga lawak-klasehanan alang sa mga kindergarten.

Ang chairman sa Aboitiz Foundation nga si Erramon Aboitiz nagkanayon, “We believe that a better educated youth means a better Philippines. Our partnership with AGAPP helps us start them young as we provide kindergarten students with a conducive environment for learning, helping them build a strong foundation in their education journey.”

“Among gituohan nga ang ang batan-on nga maayong pagka-edukar, makaayo sa Pilipinas. Ang among pakig-uban sa AGAPP nakatabang kanamo pagsugod og tabang sa mga kabataan pinaagi sa paghatag kanila og maayong kalikopan sa kahibalo , pagtabang kanila nga makatukod og usa ka pundasyon sa ilang paningkamot alang sa edukasyon, ” dugang pa ni Aboitiz.

Gani misaad pa siya nga mohatag pa og dugang mga lawak klasehanan nga 40 kapin ka mga Silid Pangarap Classrooms (SPC) unya sa tuig 2015.

Niining tungora, ang AGAPP nakapatukod na og kapin sa 800 ka SPC sa tibuok nasud sukad sa tuig 2010. Nahilakip na niini ang 176 ka mga lawak-klasehanan nga gitukod tanan sa Aboitiz Foundation sukad sa tuig 2011, nga napahimuslan sa mikabat og dul-ang 23 mil ka mga estudyante sa kindergarten.

Si Luistro miawhag sa matag usa sa pagpadayon sa hiniusang trabaho aron makabaton ang nasud og “world-class students who are globally competitive.”

“Mga banggiitang estudyante sa kalibotan nga ikatandi sa mga maayong laki nga estudyante sa tibuok kalibotan”, matud pa niya.

Midugang si Luistro pag-ingon, “The great joy I find in DepEd is in finding partners who will say, ‘We have to solve the problems in the country and we will make a new story for this nation.’”

“Ang dakong kalipay nga akong nakita sa DepEd mao ang pagkaplag og mga kauban kinsa moingon”atong sulbaron ang problema sa nasud ug mugnaon nato ang usa ka bag-ong estorya alang sa nasud,” matud pa sa secretary.

Midugang usab siya pagpasabot nga kining pakig-abin sa AGAPP ug uban pang proyekto sa pagpanukod og mga lawak-klasehanan maoy kabahin sa pagpangandam alang sa hingpit nga pagpatuman sa K to 12 curriculum sa tuig tingtungha 2017-2018, uban sa dugang pang katambayayong nga mohatag sa uban pang pangihanglanon sa edukasyon.

Image Credit: www.aboitiz.com