DepEd Miduso sa Online Journalism

(PIA) – Ang buhatan sa Department of Education (DepEd) mipahigayon ug nationwide training sa mga school paper advisers ug campus journalism coordinators agi ug pagpangandam sa himoon nga 2015 National Schools Press Conference (NSPC).

Gawas sa konsepto sa basic journalism, ang mga partisipante gibansay usab sa Online Journalism ug Science Writing nga bag-ohay lang nalakip na sa himoong NSPC competition categories.

Si Education Secretary Br. Armin Luisitro FSC mipaambit sa ka importansya sa digital communication components sa Campus Journalism Program.

Midugang si Luisitro nga himoon kini aron mapalambo ang 21st century skills sa mga magtutudlo ug pinaagi niini mapaambit nila ang ilang kahibalo ngadto sa mga estudyanteng Pilipino aron mahibalo ug ma bansay sila sa media literacy.

Gitumong sa national Training of Trainers on Campus Journalism ang pag hatag ug kasinatian sa mga school paper advisers bahin sa mga modernong pamaagi sa campus journalism ug digital communications media aron mo uswag ang ilang journalistic skills lakip na ang eskwelahan sa pagpahigayon niini sa ilang school paper management ug editorial techniques.

Gawas sa online journalism gi bansay usab sila sa Editorial Cartooning, Copy Writing, Feature Writing, News Writing, Sports Writing ug Photojournalism sa mga resource speakers nila.

Ipahigayon ang NSPC karong tuiga sa Taguig City sa Abril 6 hangtud 10 nga gadala sa tema: ”Empowering Resilient Communities Through Campus Journalism”.

Sa pagtak-op sa gihimong in-school journalism ug English language programs, ang NSPC padayon nga mopaambit sa mga dugang pa nga pagtulun-aron ma giyahan ang mga estudyante nga gustong mokuha sa kursong journalism.

Gitumong nga mapaambit sa mga estudyante ang dugang kahibalo unsa ka mahinungdanon ang journalism aron magamit sa lain-laing pamaagi pagpadayag sa mga pang huna-huna mahitungod sa advocacy on social consciousness, ug ang pag paila sa gitawag ug responsible “journalism through fair and ethical use of mass and social media”. (mbcn/lpp/PIA-7/Negros Oriental)