DepEd-7 Miayag na’s mga Aplikante sa SPES

Ang Department of Education (DepEd) nagsugod na sa pag-ayag sa mga aplikante alang sa Special Program for the Employment of Students (SPES) 2014, sa miaging Biyernes.

Sumala pa ni Undersecretary Rizalino Rivera sa Regional Operations sa DepEd, nga pinaagi sa SPES, kahatagan niini og balanse nga kahigayonan ang mga estudyante ug kadtong wala na magtungha nga anak sa mga kabus sa paggamit sa ilang nakat-onan ug sa ilang abilidad alang sa kauswag sa nasud.

Midugang si Rivera nga ang maong programa moila usab sa mga batan-on nga mihalad sa iyang katakus sa pagpauswag sa iyang serbisyo sa kagamhanan ug sa pagtiti sa iyang abilidad sa liderato ug serbisyo publiko.

Alang kang Rivera nga gusto sa kagamhanan nga isilsil sa alimpatakan sa mga batan-on nga angay silang mohalad sa ilang tinud-anay nga pangalagad sa katawhan, ug pinaagi sa SPES, makit-an usab nila ang mga estudyante nga molahutay sa ilang edukasyon.

Dul-ang 200 ka mga batan-ong aplikante nga giinterview sa unang adlaw sa screening diin may kapin sa 400 ka mga application nga gipadala ngadto sa Central Office sa DepEd .

Sa maong mga aplikasyon, ang departamento andam nga modawat sa 100 ka kabus ug takus nga aplikante kansang pagbansay magsugod karong Abril.

Ang SPES 2014 Trainees patrabahoon og 30 diyas ubos sa supervision sa SPES 2014 Secretariat sa Department of Education – Central Office.

Ang SPES gimandato ubos sa Republic Act No. 9547, nga gitawag og “An Act to Help Poor but Deserving Students Pursue their Education by Encouraging their Employment” atol sa summer o kaha sa Christmas Vacations.