DA: Temporaryong Gidili ang Pagkaon og Manok Gikan sa US

Temporaryo nga gidili sa Department of Agriculture (DA) ang pagkaon sa mga karne ug itlog nga gikan sa Oregon State, USA ug Haifa, Israel aron sa pagprotiher sa panglawas sa mga Filipino.

Kini maoy mando ni Kalihim Proceso Alcala sa DA kagahapong adlawa kalabot sa mihugpa karon nga sakit nga mao ang Avian Flu didto sa Oregon.

Gumikan niini, higpit nga gidili ni Alacala ang pagpangompra og mga lokal ug ihalas nga mga langgam gikan sa Oregon, USA, bisan ang mga karne sa manok , piso, itlog ug semen gikan sa maong lugar.

Sumala ni Alcala kutob sa masakpang produkto sa manok nga ipalusot nganhi sa nasud konpiskahon sa DA Veterinary officer nga gidestino sa matag puwerto sa nasud.

Sa samang higayon gipaepekto usab dayon ni Alcala ang pag-pahunong sa pagpangluwat og Sanitary and Phytosanitary (SPS) import clearance sa mga produkto sa manok gikan sa estado sa US.

Nasuta nga sa tuig 2013, mikompra ang Bureau of Animal Industry sa DA og mikabat sa 41.6 ka milyon ka kilo sa karneng manok gikan sa mainland sa US.

Ang DA sa samang higayon miluwat gihapon og pagdili sa mga produkto sa manok gikan sa Haifas, Israel gumikan gihapon sa maong hinungdan.

Ang maong pagdili nahimutang sa Memorandum Order 4, series sa 2015, “to protect the health of the local livestock population and food safety in the country from the Highly Pathogenic Avian Influenza (HPAI),” sumala ni Alcala.