DA Mihatag og Ganti sa Malampusong Lugar nga Nagproduktog’g Mais

Ang Department of Agriculture (DA) mipasidungog sa mga lalawigan, siyudad ug lungsod, ingon man sa mga gitawag nga ‘corn coordinators’ atol sa ikaduha nga Quality Corn Achievers Awards, sa miaging Nobyembre 20, didto sa Limketkai Center, Cagayan de Oro City, Misamis Oriental.

10th Philippine National Corn Congress

Ang maong paghatag pasidungog gihimo atol sa gipahigayong tulo ka adlaw nga 10th Philippine National Corn Congress niadtong Nobyembre 19-21, 2014 diin ang mga lalawigan sa Pangasinan, Isabela, Occidental Mindoro, Agusan del Norte, and Agusan del Sur maoy gideklarar nga mga nanag-unang lalawigan sa produksyon sa mais.

Matag usa sa nahisgutang mga lalawigan nakadawat og tag-P3 milyones nga balor sa mga proyekto nila nga may labot sa labi pang ikauswag sa ilang produksyon sa mais.

Ang uban pang nakadawat og tag-P1 milyon nga bahin sa pagpauswag sa produksyon sa ilang mais mao ang lima ka gitawag nga nag-unang siyudad ug lungsod sa nasud.

May tulo ka provincial agriculturists nga nakadawat og tag–P40 mil matag usa; 5 ka provincial corn coordinators, nga nakadawat og tag-P30 mil matag usa; 20 ka mga municipal ug city agriculturists, nga nakadawat og tag-P30,000; 18 ka municipal ug city corn coordinators, nga nakadawat og tag-P25 mil matag usa.

“Aside from volume, quality is among the top criteria in selecting the winning provinces. Counterpart investments of the local government units in pursuing corn-related projects in their respective areas are also taken into consideration,” sumala pa sa pamahayag ni Assistant Secretary and National Corn program Coordinator Edilberto de Luna.

Ang maong mga ganti gituohang labing makapadasig sa mga mananaog nga mga LGUs sa pagpauswag sa ani sa ilang mga mais sa ilang tagsa-tagsa ka lugar.

Ang mga insentiba nga ilang nadawat makatabang usab og dako sa mga proyekto nila alang sa pagpalambo sa ilang produksyon sa mais,sumala ni De Luna.

ASEAN Integration 2015

Midugang si De Luna nga kining tanan may labot sa pagpangandam sa umaabot nga ASEAN integration sa 2015, diin ang DA sa pagpanguna ni Sec. Proceso J. Alcala, magpadayon sa paggamit og modernong mga kahimanan aron labi pang molambo ang produksyon sa mais sa nasud.

Miingon usab si De Luna nga gawas nga pagkaon sa tawo, nakatabang usabn kaayo ang produksyon sa mais sa pagpalambo sa industriya sa kahayopan tungod kay ang yellow corn nakahatag og 50 porsento sa pagpadaghan sa itlog sa mga manok ug 40 porsento sa pagpatambok niini.

Samtang ang puti nga mais maoy pagkaon sa taga Visayas ug Mindanao, busa gikinahanglan gayud nga molambo ang produksyon sa mais sa nasud, sumala ni De Luna.

Image Credit: region6.dost.gov.ph