Comelec Andam na sa Rehistrasyon sa mga Bag-ong Botante

Subling gitataw sa mga kadagkuan sa Commission on Election (Comelec) nga ang ilang mga tawo ug mga ekipo andam na sa ipahigayon nga continuing registration sugod karong Mayo 6 ning tuiga alang sa presidential election sa tuig 2016.

Ang buhatan ni Provincial Comelec Supervisor Atty. Lionel Marco Castillano mipahibawo nga naabot na ang dugang capturing machines alang sa computerized nga rehistrasyon sa mga bag-ong botante ug kadtong buot nga mobalhin sa laing lugar.

May igo na usab kining mga tawo nga momaniho sa mga computer machines alang sa mas dali ug tukmang pagkuha sa mga bio-metric data sa mga botanteng magparehistro.

Giawhag sa Comelec official ang mga botante nga mosayo sa pagparehistro aron dili na kini maapeki sa pag-abut na sa katapusang adlaw sa pagpanawat sa mga bag-ong botante.

Subling gipahimangno ni Castillano nga dili gyud malakip sa voters’ list sa 2016 presidential elections ang mga botante nga dili makahuan og bio-metric data sa Comelec.

Image Credit: mycomelec.tv