Cebuano Cinema Council Bout Tukoron

Ang miangkon nga convenor sa Cebuano Cinema mihangyo karon sa konseho sa dakbayan sa Sugbo paghimo og ordinansa nga magmugna sa Cebuano Cinema Development Council (CCDC).

Ang kanhi protocol officer sa Cebu City Hall nga si Marlon Douglas Hofer miingon nga dako ang matabang sa CCDC aron mapalambo ug mabalik ang Visayan-Film Making Industry sa Sugbo.

Ang CCDC langkuban unya sa napulo ka representante gikan sa nagkalain-laing sektor, duha matag government and cinema education, usa sa turismo, movie journalism and film archives ug tulo gikan sa independent cinema producers.

Kini aron masiguro ang pagpalambo sa paghimo og pelikulang ginama sa Sugbo.

Matud ni Hofer nga ang film industry nagkinahanglan og tabang ug suporta gikan sa Local Government Units (LGUs) aron padayon mapadali ang pagmugna sa CCDC.

Ang sugyot gipasa ngadto sa Committee on Tourism nga gipanguluhan ni Konsehal James Cuenco alang sa dugang pagtuon kon angay ba kini nga hatagan og katumanan.