Cebu City Vice Mayor Gitinguha nga Masulbad and Baha sa Siyudad

Gitinguha ni Cebu City Vice Mayor Raymond Garcia ang pagpalambo sa water outflow sa dakbayan sa Sugbo aron matabang si Mayor Michael Rama sa pagkab-ot sa gi-ingong “Singapore-like City”.

Sumala pa ni Garcia nga iyang i-prioritize ang pag improve sa water outflow ug ang papel karon sa Water Development Commission (WDC) ang pag tangtang sa bisag unsang istruktura nga mahimong posibleng babag sa agi-anan sa tubig paingon ngadto sa coastline.

Gibutyag sab ni Garcia nga ang gisugyot nga Medium Rise Buildings kun MRBs dili na gikinahanglan nga adto sa South Road Properties (SRP) itukod.

Ang MRBs maoy magsilbi nga relokasyon sa mga residente nga ma apektahan sa clearing operations ilabi na kadtong nagpuyo duol sa coastline.

Kahinumduman nga niadtong Agosto 19, miluwat si Cebu City Mayor Michael Rama ug Executive Order 3 alang sa recovery, restoration, enhancement, development ug protection sa waterfront sa dakbayan. Ang maong coastline gingsakpan ang Barangay Mabolo hangtod sa Barangay Inayawan.