Canteen sa Eskuelahan Gipaubos sa Inspection

● DOH mipahinumdum nga siguruhong hinlo ang sulod ug gawas sa canteen; luwas sa panglawas sa estudyante ang mga pagkaon

Ang Department of Health (DOH)-7 mi-inspection sa canteen sa mga tulunghaan sa syudad ug sa lalawigan sa Sugbo atol sa pagbukas sa klase niadtong Lunes aron pagsiguro nga luwas ang mga pagkaon nga paliton sa mga bata sa sulod ug sa gawas nga bahin sa tulunghaan.

Ang buhatan ni DOH-7 Regional director Jaime Bernadas mitug-an nga gipadad-an og instruction sa mga sanitary inspectors ang mga tulunghaan diin ang tuyo mao ang pagpangusisa sa mga sanitary inspectors sa kahinlo sa mga kantena sa matag eskuelahan uban usab ang mga baligyang pagkaon niini.

Usa sa hugot nga gimando sa mga inspectors mao ang mga balaod nga gipatuman sa City Health sa syudad sa Sugbo.

Kini mao pagpahinumdom sa tanang tagdumala sa mga canteen sa matag tulunghaan nga sigurohon nila nga hinlo ang sulod ug gawas sa ilang canteen, labaw sa tanan pinhoon nila nga hinlo ang pagkaon ug luwas sa panglawas sa tanang mga estudyante nga mokaon niini.

Ang DOH-7, pinaagi sa rekomendasyon sa mga sanitary inspectors, makahimo sa pagpatak-op sa tindahan sa sulod sa tulunghaan kun maghatag kini og hulga sa panglawas sa mga nagtunghang kabataan.