Business Permits Renewal sa Dakbayan sa Sugbo, Enero 4 sa Robinsons Galleria

Pagbag-o sa mga business permits sa dakbayan sa Sugbo pagabuhaton ngadto sa Robinsons Galleria sugod Enero 4, 2017.

Mipagawas og pahibalo ang Cebu City Public Information Office, nga imbes magsugod dayon sa Enero 3, sa sunod adlaw na, Enero 4 ang gitakda alang sa pagbag-o sa mga business permits sa kapin 30,000 ka mga magpapatigayon sa dakbayan.

Pagahimoon ang renewal sa business permits ngadto sa ground floor sa Robinsons Galleria nga anaa mahimutang sa General Maxilom Avenue, North Reclamation Area. Mudagan kini og kapin sa duha ka semana gikan sa Enero 4 ngadto sa Sabado Enero 27, 2017. Ang laing Sabado nga abli para sa mga aplikante, mao ang Enero 7.

Giawhag ni Cebu City Treasurer Tessie Camarillo nga angayan e renew sa mga magpatigayon ang ilang mga Mayors Permits sa mga nalatid nga mga adlaw aron malikayan ang surcharge nga 25 percent og laing two percent alang sa interest o tubo.

Tulo lamang ka mga requirements ang gikinahanglan sa pag renew, kini ang Application Form, ang Income Tax Return ug ang mga Financial Statements nga gisumiter ngadto sa Bureau of Internal Revenue (BIR).

Upat lamang ka steps ang again sa mga magpapatigayon. Gipasalig sa city hall nga adunay saktong mga empleyado ang muakatar sa pagdagsa sa mga magpapatigayon ug ilang mga representante. Gitunguha sa dakbayan nga maka kolekkta ug P2.7B ka mga taxes sa tuig 2017. (fcc/PIA7-Cebu)