Bitamina Alang sa Mga Seniors

Ang kagamhanan sa dakbayan sa Sugbo nagplano karon nga mopalit og mga multi-vitamins aron ipanghatag sa mga senior citizens.

Si Konsehal Noel Wenceslao misugyot nga pagahinan og P250 mil ang pagpamalit og mga bitamina alang sa mga senior ug uban ihatag sa lainlaing health centers sa kabarangayan.

Daghan nga mga senior nga nasayod sa resolusyon ni Wenceslao ang gibati og kahinangop tungod kay matud nila sila’ng mga tiguwang nagkinahanglan g’yud og multi-vitamins.

Si Mayor Michael Rama daan na nga mipahibalo nga ang P12 mil unta nga cash assistance alang sa mata’g senior citizens karong tuiga ang P6 mil ray iyang ipahatag nga cash, ang lain nga P6 mil ihatag pinaagi sa ubang tabang.

Ang mga senior dinhi sa dakbayan kaniadtong Sabado gipanghatagan na og ‘tag P2 mil isip dugang sa P1,000 nga gihatag kanila kaniadtong Valentines Day.

Ang sugyot ni Konsehal Wenceslao gitugyan usab sa Committee on Budget and Finance ug kun kini mauyonan sa City Council adto kini ibanon sa Pagcor Funds.