BIR: Income Tax Return Angayan Hikayon

Duha ka bulan sa dili pa ang deadline, mipahinumdom ang Bureau of Internal Revenue (BIR) sa publiko nga tarungon na ang mga dokumento sa pagduso sa income tax return (ITR).

Sumala sa tigpamaba sa Philippine Information Agency(PIA)7 Elvira C. Bongosa nga malaumon si BIR Commissioner Kim Henares nga makab-ot o malabwan pa ang target nga koleksyon sa buhis karong tuiga nga mokabat sa P1.45 trilyon.

Matud pa ni Bongosa, nga gipahinumdom sa BIR sa mga taxpayer nga biktima sa kalamidad sa Bohol, Leyte ug Zamboanga nga tungod sa buhis gikuha sa gobyerno ang parte sa pundo nga gigamit sa pagtabang sa mga naapektohan.

Midugang si Bongosa nga ang BIR mipasidaan sa mga magbubuhis nga gukoron nila ang bisan kinsang mapakyas sa pagbayad og buhis sa hustong oras ug wala sila’y pilion sa pagpaningil.

Nagkanayon siya nga adunay bag-ong ITR form ang BIR nga mahimong makuha sa ilang buhatan o kaha i-download lamang sa ilang website nga www.bir.gov.ph

Image Credit: www.philstar.com