Anti-Graft Council Gipalig-on Batok Kurakot

Gipalig-on na sa mga miyembro sa ahensiya sa gobyerno ang bag-ong sumbanan sa Inter-Agency Anti-Graft Coordinating Council (IAAGCC).

Pangunahan sa maong konseho ang imbestigasyon ug prosekusyon sa graft cases, ilabi na kadtong adunay kalabotan sa mga ma-anomaliya nga transaksyon sa gobyerno, ug fraud cases nga mokabat sa P50 milyon ug mga kasong gilangkoban sa mga taas nga opisyal sa gobyerno o bureau director pataas.

Apil sa mga mitambong sa pagpirma sa kasabotan kagahapon mao sila si Ombudsman Conchita Carpio Morales, Civil Service Commission (CSC) Chairperson Francisco Duque, Commission on Audit (COA) Chairperson GracePulido-Tan, Budget Secretary Butch Abad, Executive Sec. Pacquito Ochoa, National Bureau of Investigation (NBI) Director Virgilio Mendez ug Justice Assistant Sec. Geronimo Sy.

Gidetalye sa maong bag-ong sumbanan ang mga kaakohan ug pundong igahin sa matag ahensya.

Kahinumdoman nga sa miaging Septembre 2013 gilig-on ang IAAGCC aron pagsulbad sa mga kahiwian ilabi na ang may labot sa Priority Development Assistance Funds(PDAF)..

Image Credit: www.gulf-times.com