Amnestiya sa Loose Firearms Gisugdan na sa PNP

Gisugdan na sa Philippine National Police (PNP) ang paghatag og unom ka buwan nga amnestiya sa loose firearms kun dili lisensyadong mga armas sa nasud isip pagsunod sa Comprehensive Law on Firearms and Ammunition Control o ang Republic Act 10591.

Sumala sa opisyal sa Philippine Information Agency (PIA) 7 nga tuyo niining maong programa nga mapa-rehistro ang mga dili lisensiyadong armas ug malikayan ang bug-at nga silot sa magkupot niini.

Busa giawhag sa PNP ang tanang nanag-iya og mga dili lisensyadong armas nga pahimuslan kining maong higayon aron malikayan ang bug-at nga silot.

Midugang ang PIA 7 nga nasuta sa PNP mga adunay 900 ka regional health offices nga andam na nga modawat sa mga aplikante alang sa neuro clearance.

Apil usab sa requirements ang drug test nga himoon lamang sa PNP.

Dugang pa sa PIA 7 nga mahinungdanon usab ang pagbaton og labing bag-o nga “gun safety and responsible gun seminar certificate.

Ang PNP mipasidaan nga dili tanang gun clubs sa nasud ang akreditado nga moluwat sa maong certificates.