Agri-Fishery Program Gipalapdan ni Davide

Ang Agri-Fishery program sa kapitolyo mas gipalapdan pa ubos sa pamunuan ni Governor Junjun Davide.

Niadtong Martes, nagpinirmahay sa Memorandon of Agreement ang PCIC kon Philippine Crop Insurance Company ug si Gov. Junjun Davide.

Ang Gobernador miingon nga 8 milyones pesos ang gigahin sa probinsya alang sa Agri Fishery program sa lalawigan.

Dugang pa sa gobernador nga moaabot na ngadto sa 21,600 ka mga mag uuma ug mananagat ang naka pahimos niini.

Samtang ang habig sa PCIC mibutyag usab nga andam silang makig alayon sa probinsya alang sa kalambuan sa nahisgutang programa.

Suma pa nga ang PCIC modawat pa ug dugang mga mag uuma nga mo pa insured sa ilang mga kahayupan ug mga tanom.

Si Davide mibutyag nga mogahin pa siya ug laing pundo alang sa 40 mil ka mga mananagat ug mag uuma nga buot mopahimolus sa programa sa lalawigan.

Gibutyag sa PCIC personel nga ang mga managat nga mabiktima sa kalamidad nga insured makadawat kini ug 15 mil pesos nga premium.

Samtang ang mga mag uuma kinsa makasinati usab sa samang katalagman hatagan usab ug bayad sa probinsya sa Sugbo inabagan sa PCIC basi sa gidak-on sa kadaot sa mga tanum.

Pangunayan sa taga PCIC ang pagsusi sa mga kadaot nga mugna sa katalagman, samtang subling gipasabot sa governador nga libre ang maong programa alang sa mga mag uuma.

Image Credit: www.cebu.gov.ph