Image Source: gyf.com

Buhis

Buhis

giingong bayranan nga way giliatan,
dili manumbaling kon kinsa ang malugpitan,

mga yangongo dili paminawon kay kuno trabaho lang,
buta-bungol kon sultia’ng may dagkong nataligam-an,

apan ang subo nga kamatuoran,
gagmayng magbubuhis kanunayng mayatakan,

dagkong negosyante idlas pa’s halwan,
mangaupaw, mangaut-ot ang gagmay’ng panudlanan,

sa binuhisay ang gagmay kanunay’ng pakuyawan,
mahan-okan sa mga mat-an ug kukhan sa kagamhanan,

salapi sa katawhan kalingawan, himoong gatasan
kon kinabag-an magtulogtulog lang sa pansitan.

Blogsite